August 6, 2009

నా అభిప్రాయంలో మగధీర.....

మగధీర సినీమాకి చేసినంత పబ్లిసిటీ ఈ మధ్య కాలంలో మరే సినీమాకీ చేయలేదేమో. మెగా స్టార్ తనయుడు, భారీ బడ్జెట్, పేరున్న దర్శకుడు ఇంకా ఇతర అంశాలు ఎన్నో ఈ సినీమా అంటే ఒక ఉత్సుకతని కలిగించాయి.సినీమా రిలీజ్‌కు ముందే ప్రతీ ప్రేక్షకుడు చాలా భారీ స్థాయిని ఊహించాడు. మరి సినీమా చూసిన ప్రేక్షకుడు తాను ఊహించిన స్థాయిలో ఉందని ఒప్పుకున్నాడా? నాలుగు రోజుల క్రితం నేను కూడా ఈ సినీమాని చూసేను. హాలివుడ్ సినీమా "త్రీ హండ్రెడ్" చూసిన ప్రేక్షకులెవరికైనా మగధీర సినీమా చూస్తున్నప్పుడు ఒక షాడో లైన్లా ఒక్కసారి గుర్తుకు వచ్చి ఉండాలి. అలాగే అరుంధతి కూడా. రాజమౌళీ రాంచరణ్‌తో సినిమా తీయడానికి అతనిని చాలా విధాలుగా పరీక్షించి ఉంటాడనిపిస్తోంది. రాంచరణ్ ఒకరకంగా పౌరాణిక పాత్రలకి నప్పినంతగా సాంఘీక పాత్రలకి నప్పకపోవచ్చనిపించింది.కోల మొహం, పొడవైన ముక్కు పౌరాణిక పాత్రలకి చక్కగా నప్పుతాయి. అందువల్లే కధ ఎంపికకి ఫ్లాష్ బేక్‌లో పౌరాణిక కధని ఎంచుకున్నాడు. ఒకరకంగా సినిమా మొదటి భాగంలొ ప్రేక్షకులు కొంత అసంతృప్తికి గురౌతారు. రెండో భాగం మొదలు అయ్యాకా గానీ అసలు కధ మొదలవ్వదు. రెండో భాగంలో భారీ సెట్టింగులు, గ్రాఫిక్స్ ప్రేక్షకులని మెప్పించాయి. రాంచరణ్ రాజ సైనికుడి పాత్రలో ఇమిడిపోయాడు. అతని శరీర ధారుడ్యం కూడా చక్కగ నప్పింది. కాజోల్ కూడా రాకుమారి పాత్రకు చక్కగ నప్పింది. కాని కొన్ని సంఘటనలు మాత్రం కధా పరంగా అవసరం కాకపోయినా ఖర్చుకు వెనకాడకూడదన్నట్టుగా కనిపించాయి. అతిధి పాత్రలో చిరంజీవి కనిపించడం, బంగారు కోడి పెట్ట పాటను మరలా ఎంచుకోవడం కేవలం చిరంజీవి అభిమానులకోసమే. కమర్షియల్‌గా పెట్టిన ఖర్చుకు కొంత గ్యారంటీ ఉండటంకోసమే. టోటల్‌గా సినీమా ఓకే. ప్రతీవాళ్ళూ ఒకసారి చూడవచ్చు.

1 comment:

భాస్కర్ రామరాజు said...

సోదరా!!
ఎక్స్పెక్ట్ చేసా, ఏ మూడొందలో ట్రాయో తప్పకుండా కాపీ కొడతారు మనోళ్ళు అని.