July 25, 2009

తిక్క వేషాలు!!

మా బాసు ఆఫీసులో నాకు ఒక అసైన్మెంట్ ఇచ్చాడు. నిజానికి అది పూర్తిచేయడానికి రెండు మూడు రోజులు పడుతుంది. కానీ దానిని మరుసటి రోజుకు పూర్తి చేసి హెడ్ ఆఫీసుకు పంపాలి. ఆ బాధ్యత నామీద పెట్టాడు. ఆ రోజు ఉదయాన్నే ఏడు గంటలకు ఆఫీసుకు చేరుకున్నాను. చేరుకున్నదే తడవుగా పని ప్రారంభించాను. ఒక అర్ధగంట గడిచిందో లేదో ఫోన్ మ్రోగింది. ఇంత పొద్దున్నే ఎవరబ్బా అనుకుంటూ ఫోన్ తీశాను. హల్లో అని పలకరిస్తే అవతలివాళ్ళు
"సెప్టిక్ టాంక్ క్లీనరా?" అని అడిగాడు. నాకు మొదట అర్ధం కాలేదు.
మరోసారి "ఏమిటి?' అని ప్రశ్నించాను.
అవతలి వ్యక్తి "ఏమయ్యా ఇది సెప్టిక్ టాంకు క్లీను చేసే టాంకర్ లా రీయేనా?" అని అడిగాడు.
నాకు భలే తిక్క పుట్టింది. ఒళ్ళు తెలియకుండా పొద్దున్నే మా నంబరుకి ఫోన్ చేసి నా పని చెడగొట్టడమే కాకుండా సెప్టిక్ టాంక్ క్లీన్ చేసే అఫ్ఫీసా అని అడుగుతున్నాడు. కాస్త కోపన్ని అదుపులో ఉంచుకొని నెమ్మదిగా
"అవును" అని సమాహానం చెప్పాను.
"మా సెప్టిక్ టాంక్ నిండిపోయింది. అది క్లీన్ చేయాలి" అన్నాడు
"మీరు ఉండేది ప్రదేశం ఎక్కడో?" అన్నాను అతడు వివరాలు చెప్పాడు.
"మీ ఇంటిలో ఎంతమంది ఉంటారు?" నేను
"నలుగురు" అతడు
"అందరూ పెద్దవాళ్ళేనా?" నేను
"ఆ..అందరూ పెద్దోళ్ళే" అతడు.
"టాంక్ వెడల్పు లోతు ఎంత?" నేను
"ఉంటాది లోతు పది అడుగులు వెడల్పు ఎనిమిది"
"మీ ఇంటిలో అందరూ బలంగానే ఉంటారా?" నేను
"ఆటి ఇవరాలెందుకు?" అతను
"నే చెపుతాగా...మీ ఇంటిలో నాలు బక్కెట్లు ఉన్నాయా?" నేను
"ఆ ఉండాయి" అతను
"నాలుగు తాళ్ళు ఉన్నాయా?" నేను
"తాళ్ళు ఉండాయి" అతడు
"ఆ తాళ్ళు బక్కెట్లకి కట్టి మీరు నలుగురూ కలిసి తోడి పక్కింట్లొ పోసేయ్యండి" అన్నాను నేను
"అదేంటి మేము తోడటమేంటి?" అతడు
"ఏం మీరు పెట్టిన చెత్త మీకే అసహ్యం వేస్తే ఎలా? దానికి మేము రావాలా? ఇంకోసారి టాంకర్ కావాలని ఫోన్ చేస్తే టాంకర్లో ఉండే చెత్త తీసుకొచ్చి మీ ఇంట్లో పొయిస్తా. ఫోన్ పెట్టు" అని అరిచాను.
అప్పటిగ్గాని నా కోపం తీరలేదు. ఇది జరిగి వారం రోజులైయింది. ఈ సంఘటన మా ఫ్రెండ్స్‌కి చెప్పి పడి పడి నవ్వుకున్నాము ఆ సమయంలో ఫోన్ చేసిన వ్యక్తి మొహం ఎలా ఉండి ఉంటుందో తలుచుకొని. ఇది నిజంగా తిక్క వేషమే కదా?

4 comments:

Malakpet Rowdy said...

LOL

harephala said...

బ్రహ్మాండంగా ఉంది.

కళ said...

poor fellow paapam aayana ! wrong number ani cheppachchu kadandee, paapam ! aayana telisi chesaara enti meeku ? pchch

viswamitra said...

కళగారూ...పని ఒత్తిడిలో కోపం వచ్చినా తరువాత నాకూ అలానే అనిపించింది!!